A manca d’un estudi mès apregondit, “era pròpria configuracion classica des pintures, d’influéncia francesa, les hè fòrça excepcionaus”, atau coma a soslinhat era tecnica de Patrimòni, Elisa Ros.

Es pintures descubèrtes, que se poderien datar de finaus deth sègle XVI o principis deth XVII, se placen en prumèr tram dera vòuta dera paret sud laterau, en quart de sègle, e formen ua escena de granes dimensions emmarcada laguens d’un temple roman, qu’acuelh es virtuts. Destaquen eth sòn detalhisme e laboriositat.

Era intervencion ei frut des trabalhs tecnics de descurbiment e restauracion prebotjadi peth Conselh Generau d’Aran damb ua inversion enguan de 30.000 èuros. Aguesti seguissen damb es accions amiades a tèrme en 2007 e que permeteren descurbir tanben ues autes pintures dera madeisha epòca.

Pintures renaishentistes. Pintures renaishentistes.