D’aguesta forma, era comission reempren era activitat dempús dera darrèra session en ostiu, en qué s’abordèc un prumèr document de trabalh a prepausa deth Sindic e a partir deth quau es tres grops damb representacion en Conselh Generau an articulat eth sòn brolhon.

Er objectiu dera amassada ei auançar eth procès entàs trabalhs de redaccion entà ua prepausa conjunta aranesa, que se presentarà ath Departament de Governacion dera Generalitat entà pr’amor de pactar er auantprojècte de lei entre andues institucions.

Ena amassada, i a agut un ampli consens ena màger part des aspèctes qu’an de configurar era naua norma de regim especiau. Atau, eth sindic Francés Boya (Unitat d’Aran), eth conselhèr Carlos Barrera (Convergéncia Democratica Aranesa) e eth conselhèr José Antonio Bruna (Partit Renovador Arties e Garòs) mantien eth compromís entà elaborar ua prepausa conjunta damb eth maximom acòrd possible.

Era comission aranesa. Era comission aranesa.