D’aguesta forma, er “Alt Pirenèu”, atau coma se lo denomine, ei format pes “municipis corresponents as comarques d’Alta Ribagorça, Alt Urgell, Cerdanya, Pallars Jussà e Pallars Sobirà”.

Era norma, aprovada damb eth vòt favorable deth PSC, ERC e ICV, arrefortís era relacion bilaterau deth Conselh Generau d’Aran damb era Generalitat de Catalonha e prevé qu’eth Conselh de Vegueria delègue ara maxima institucion aranesa es sues foncions e competéncies.

Eth sindic d’Aran e deputat deth grop Socialistes – CpC, Francés Boya, s’a mostrat satisfèt damb era formula reflectida ena lei, pr’amor que “diboishe naui orizons de creishement der autogovèrn aranés, atau coma reconeish ath còp era realitat divèrsa e plurau de Catalonha”.

Segontes Boya, “eth Parlament a hèt un pas en auanç dera singularitat d’Aran en Catalonha, perque es sues institucions d’autogovèrn devien eth principau referent administratiu e territoriau des sòns ciutadans e auràn, s’eth pòble aranés ac vò, possibilitats de seguir creishent en bastiment d’un marc pròpri entà desvolopar er autogovèrn”.