En ua amassada qu’auec lòc ager ena sedença dera CNE en Madrid, era presidenta Costa a constatat qu’era naua normativa que s’a d’aplicar segontes es directritzes dera Union Europèa (UA) entara liberalizacion dera energia electrica entàs usatgèrs domestics permet de mantier es drets istorics qu’es consumidors d’Aran an contrèt damb era companhia Fecsa Endesa.

Es representants dera Comission d’Energia deth Conselh Generau d’Aran, formada per toti es grops politics, an artenhut eth compromís de Fecsa Endesa entà mantier es descompdes dera lum entàs usatgèrs, ena entrevista mantenguda aué en Barcelona damb eth sòn directiu. Atau madeish, era empresa collaborarà damb era maxima institucion aranesa entà balhar assessorament e informacion ciutadana sus es naues obligacions derivades deth procès de liberalizacion deth sector, qu’afècten as contractes e ar ajustament der Interruptor de Contròtle de Poténcia (ICP), entara quau causa eth Conselh Generau abilitarà un servici especiau entà méter a disposicion era informacion e dar transparéncia ath procès.

Eth sindic e presidenta CNE Eth sindic Francés Boya e presidenta dera Comission Nacionau d’Energia (CNE), Maria Teresa Costa