Atau ac a confirmat aué eth conselhèr Juan Antonio Serrano, qu’a declarat qu’er acòrd compde entà 2010 damb un pressupòst totau de 550.000 èuros entà seguir damb es mesures encetades dejà ena mielhora dera competitivitat deth sector toristic aranés.

Naui portaus webs

Ath delà, Torisme a previst de daurir quate naui portaus webs especializadi enes mèrques Val d’Aran, hiking, btt e wellbing. Segontes Serrano, “eth Conselh apòste per promocionar era Val d’Aran coma destinacion toristica a trauèrs d’internèt, perque entàs territòris petits coma aguest, internèt s’a convertit en un esturment massiu accessible entà posicionar-se toristicament”.

Aguestes mesures coïncidissen damb era metuda en marcha deth projècte entà crear un nau ens gestor deth torisme que permete era aplicacion de mesures de marketing e comercializacion des productes. Eth nau organisme se configurarà coma un esturment de collaboracion publica-privada, que centrarà era sua activitat entà impulsar era competitivitat deth sector, era internacionalizacion e era desestacionalizacion dera destinacion.

Eth Conselh renauís er acòrd damb Turespaña entà promocionar Aran. Eth Conselh renauís er acòrd damb Turespaña entà promocionar Aran.