Er objècte der acòrd ei definir eth tipe de collaboracion deth Conselh entath supòrt des clubs de fotbòl ena Val d’Aran. D’aguesta forma, eth Govèrn aranés aportarà finançament entàs activitats qu’amien a tèrme cadun des clubs e les balharà supòrt politic e institucionau en marc dera politica d’ajut, potenciacion, promocion e supòrt ar espòrt en Aran.
Eth sindic a explicat qu’eth convèni “ei frut der esfòrç que amien a tèrme es clubs entà poder subsistir e mantier ua des tradicions esportives mès vielhes deth país”. Per aguest motiu, eth Conselh considère convenient “estacar collaboracions coma aguestes entara dinamizacion deth fotbòl e era practica esportiva en generau”.
Boya a signat un convèni de collaboracion damb José Maria Solé. Boya a signat un convèni de collaboracion damb José Maria Solé.
