Boya a advocat per aprovar era Lei der aranés e a demanat un esfòrç as partits politics entà qu’actuen “ath marge des tacticismes politics”.

Rafael Ribó, qu’a reafirmat era sua volentat de preservar es drets der autogovèrn aranés, a explicat qu’er acòrd entà respectar era singularitat d’Aran ena lei de vegueries complís damb er estatut singular dera Val qu’establís er Estatut d’Autonomia de Catalonha. Eth proòm inicièc en mai ua actuacion d’ofici a requeriment deth Conselh Generau, que li demanèc empara entà excludir era Val dera vegueria pirenènca.

Eth proòm, qu’atenguec ager a 9 persones en CEIP Garona de Vielha, a recebut 9 quèishes e 17 consultes pendent er an 2009, segontes er informe qu’a presentat. Es administracions afectades pes quèishes son er Ajuntament de Vielha–Mijaran (4), era Generalitat (3), eth Conselh Generau (2) e er Ajuntament de Naut Aran (1). Totun, es donades dera Val “son leugèrament inferiores ara mieja resultanta des recebudes en d’auti parçans damb caracteristiques populacionaus similares”, segontes Ribó.

Eth sindic e eth proòm celèbren es vint ans dera lei d’Aran. Eth sindic e eth proòm celèbren es vint ans dera lei d’Aran.