Ena competicion participèren mès de 350 patinaires d'equipes espanhòus, francesi, soïssi, russi e australiani, acorropadi en quate categories.
Era equipa, compausada pes joeni patinaires aranesi deth CEGVA, interpretèc un programa sus er esclavatge e era libertat. Eth balet sus gèu, coma eth sòn pròpri reglament arreconeish, ei ua transcripcion en espaci e temps, de tèmes, arguments e musica estacada en ua eleccion coreografica. Era sua qualitat depenerà dera coeréncia qu'exprimisque era musica, eth tèma e era coreografia, dera impression d'armonia e equilibri que demòstre era equipa.
Acompanhèren ara equipa aranesa en pòdium, es equipes franceses deth TCP Tolosa e eth Francoville qu'artenhèren respectivaments era prumèra e tresau posicion. Per darrèr, se placèren era equipa de Deuil la Barri, e es equipes russes de Litkarino e Stronguino.
Eth naut nivèu des equipes catalans demorèc reafirmat damb era prumèra posicion dera equipa deth FCB era categoria Junior.
Ballet del cegva. Ballet del cegva.
