Eth programa permet avisar per corrèu electronic sus eth dorsau assignat e era confirmacion dera inscripcion en moment en qué s’age hèt er abonament. Tanben s’enviarà per corrèu electronic, en acabar era marcha, eth diplòma damb totes es donades personaus.

Ena passada edicion, ja s’introdusiren es principaus novetats respècte ath foncionament dera corsa, coma es inscripcions on line, era casa de benvenguda en Poliesportiu de Salardú e, sustot, era ampliacion des distàncies a maraton e mieja maraton. “En aguesta edicion, volem consolidar es cambis dera edicion anteriora e mielhorar-ne quauqui aspèctes”, segontes Sanmartí.

Enguan, se potenciarà eth VIII Sprint Salomon, qu’aurà lòc dissabte en Fòrum de Baquèira. Er equip tecnic plaçarà eth circuit laguens deth recinte de Baquèira 1.500, damb er objectiu d’apropar era modalitat d’sprint a tot eth public e hèr-la mès populara e coneishuda.

D’un aute costat, eth Conselh Generau e Baquèira Beret collabòren damb era Fondacion La Caixa entà iniciar un projècte entà apropar er esquí de hons a toti, damb era intencion d’ampliar eth numero de participants e seguir dant ara corsa un caractèr sociau, que, segontes Rafa Sanmartí, “ei eth principi rector dera Marcha Beret”.

Imatge d'una edició passada de la Marcha Beret. Imatge d'una edició passada de la Marxa Beret.