Boya a declarat qu’UA “apòste per impulsar Lairissa damb projèctes estrategics coma era recuperacion e projeccion deth Castèth Leon, òbra dejà començada de forma decidida en aguesta legislatura, e era metuda en valor e condicionament der airau dera Artiga de Lin e Uelhs deth Juèu, qu’ara aparie eth Conselh”. Atau se crearà un circuit de visita fòrça interessant entre eth parçan dera Artiga e eth pòble d’Es Bòrdes, a on se trape eth Castèth.
Hipólito Socasau a assegurat que se UA govèrne en Es Bòrdes “prebotjarà un Espaci d’Interpretacion Ambientau restacat damb eth Castèth Leon e es airaus emblematics de Lairissa, que son tanben plan avaloradi per tota era Val d’Aran e es que mos visiten”. D’aguesta forma, UA sage de promòir es pòbles deth terçon per miei deth torisme culturau e de montanha.
