S’aufrirà visita guidada entara exposicion ARAN, CLAVIS REGNI. ERA DEFENSA D’UN PAÍS, ena glèisa de Sant Joan d’Arties, eth dissabte entàs 17.30 ores, eth dimenge entàs 12.30 ores e eth deluns entàs 17.30 ores.

Musèus dera Val d’Aran inaugurèc, en junhsèga de 2008, aguesta exposicion de produccion pròpia. Er objectiu d’aguesta ei mostrar eth lòc estrategic dera Val d’Aran coma territòri fronterèr ath long dera istòria e era progressiva vinculacion d’aguesta val occitana damb Catalonha.

Per prumèr còp, eth public pòt contemplar documents e objèctes d’ua importància de prumèra magnitud que l’ajuden a compréner era tèrra aranesa. Atau, pòt conéisher totes es rèstes materiaus des antics castèths e elements de defensa que se trapen ath long deth territòri aranés, en tot compréner eth perqué dera identitat d’un pòble.

Per un aute costat, er Hilat des Musèus des Tèrres de Lhèida e Aran se presentarà eth pròplèu 18 de mai en Cervera, coma acte centrau deth Dia Internacionau des Musèus, en un acte de signatura dera acta fondacionau e era aprobacion des estatuts que definissen era naua associacion. Er organisme neish damb era volentat de somar esfòrci e actuar de forma mès coordinada e eficient ena programacion de contenguts comuns.