En concrèt, es trabalhs s'an centrat en parchejar damb gondron es pistes de pònt d'Arròs - Saut deth Pish, Arties - Pònt Resèc, Salardú - Parcatge Banhs de Tredòs e Artiga de Lin, e tanben s'an engrauiat es camins de Ribèra de Bagergue - Saut deth Pish (damb reconduccion d'aigua), Banhs de Tredòs – Creuïlha Colomèrs (damb reconduccion d'aigua), e Pruèdo – Loseron (en tot voludar pèires entà eishamplar era via).
Eth conselhèr de Miei Ambient e Pagesia, Francés Bruna, a explicat qu'era volentat deth Govèrn ei "intervier regularment enes camins d'interès toristic e ramadèr entà assegurar un modèu de torisme de qualitat e garantir er accès des ramadèrs entàs airaus de peisheus". "Engoan auem actuat enes camins mès deterioradi e mès concorregudi e era nòsta intencion qu'ei pode'c hèr cada an, atau coma ac contemple eth plan departamentau", segontes a declarat.
Melhora de camins forestaus Trabalhs ena Artiga de Lin entà conservar era flòra autoctòna en tot cremar es males hèrbes.
