Era escòla de Vielha e er Institut d’Aran compden damb un servici de minjador escolar, que tanben subvencione era maxima institucion aranesa per miei deth finançament que li transferís eth Departament d’Educacion dera Generalitat. A trauèrs des acòrds signadi aguesta setmana, eth Conselh Generau apòrte 22.500 èuros as associacions de mairs e pairs entara gestion d’aguesti minjadors enes pòbles mès petits.
Ath delà, eth Govèrn d’Aran contribuís ath finançament deth transpòrt extraescolar damb ua ajuda de 9.200 èuros, adreçada as escòles e er Institut d’Aran. “D’aguesta forma, se garantís qu’es alumnes poguen hèr gessudes d’aprenedisatge dehòra der orari escolar”, segontes Vergés.
