Ath delà, es mès de 200 usatgèrs actius, lèu es madeishi que corsen aranés dehòra d’Aran de forma presenciau, an efectuat un totau de 570 exercicis. “Aguest hèt demòstre er interès de fòrça gent en apréner er aranés, perque ei ua lengua util, damb possibilitats laboraus e d’enriquiment personau”, segontes Vergés.
Eth cors ei gratuït e permet arténher eth certificat d’aranés en Nivèu A (equivalent ath nivèu A1 deth marc europèu des lengües). Maria Vergés a explicat qu’aguest cors “ei fòrça senzilh e interactiu, perque se pòden escotar en aranés exemples de dialògs entà familiarizar-se de forma mès facila damb era lengua”. Es alumnes realizaràn es pròves de forma presenciau enes diuèrsi lòcs a on s’impartissen es classes d’aranés.
Presentacion deth cors aranés online. Presentacion deth cors aranés online.
