Eth Departament de Torisme, Comèrç e Transpòrt a creat ua naua mèrca toristica generica dera Val d’Aran. Ues letres majuscules en orizontau damb un hons de montanhes damb colors disparions emmarquen eth lèma Val d’Aran. Era esséncia des Pirenèus, revirat a cinc lengües. Eth lògo-mèrca pòrte associadi quate colors que hèn referéncia as quate productes toristics principaus qu’aufèrte era Val d’Aran: era nhèu, eth senderisme, era biciclèta de montanha e eth benèster ena montanha. Ath temps, aguesti tres productes compden tanben damb era sua pròpria mèrca, que servirà coma certificacion de qualitat des establiments e servicis que les aufèrten.

Per prumèr còp, era Val d’Aran celebrarà eth Mes deth Caviar, eth prumèr eveniment gastronomic en qué participaràn diuèrses empreses entà crear un unic producte relacionat damb eth torisme gastronomic (menús, visites guidades, tractaments de beresa). I participen restaurants, qu’aufertaràn menús gastronomics elaborats damb caviar, aumat o carn d’esturion, e empreses de lotjament, qu’organizaràn escapades gastronomiques pendent eth mes de març. D’aguesta forma, Aran deven pionèr ena utilizacion deth caviar coma producte toristic exclusiu.

Eth paquet Escapada deth caviar e eth benestar consistirà en estades, d’ua net aumens, en qué s’aufrirà un lotjament e esdejuar, ua visita a Caviar Nacarii, un sopar o dinar deth Mes deth Caviar e un circuït termau en Tèrmes Baronia de Les. Eth Forfait Benestar ei avient entà persones lotjades en otèls o damb dusau residéncia en Aran, que non an contractat eth paquet Escapada Caviar e Relax. Consistís en visitar Caviar Nacarii e en hèr un circuït termau e possibla resèrva d’un menú gastronomic.

Torisme Val d’Aran presente era mèrca toristica e eth Mes deth Caviar. Torisme Val d’Aran presente era mèrca toristica e eth Mes deth Caviar.