Eth president dera associacion Montanha Aran Club (MAC), César Chesa, e eth director deth centre, Andrés Gómez, s’an mostrat satisfèts pes hites artenhudes pendent aguest periòde. Totun, era esportista Úrsula Pueyo, deth centre, a podut participar enes olimpiades de Vancouver 2010. Segontes Gómez, “Vancouver barre un cicle e ara se’n daurís un aute entà afrontar Sochi Rússia en 2014”.

Eth conselhèr de Torisme, Comèrç e Transpòrt, Juan Antonio Serrano , a confidat ena “oportunitat” que se daurís damb era candidatura de Barcelona – Pirenèus 2022 entà mielhorar es condicions d’Aran e eth Pirenèu entàs espòrts adaptats. “Damb eth trabalh deth Centre e eth supòrt des institucions mos cau èster referents en encastre der espòrt entà discapacitats”, atau coma a explicat.

Ar acte, qu’a agut lòc en Musèu dera Nhèu d’Unha, i an assistit nombroses autoritats e personalitats d’Aran e er espòrt adaptat. Eth projècte s’amie a tèrme damb eth supòrt deth Conselh Generau d’Aran, era Deputacion de Lhèida, era Secretaria der Espòrt dera Generalitat, er Ajuntament de Naut Aran, es federacions espanhòla e catalana entar espòrt tà discapacitats e es empreses Repsol e Toshiba.

Gervasio Defer apadrine as esportistes de CDIA. Gervasio Defer apadrine as esportistes de CDIA.