Era amassada a servit entà constitusir ua comission entre eth Govèrn aranés e eth sector que permeterà de coordinar melhor es accions comunes qu’en aguest sens se poguen amiar entà dauant, en tot desvolopar es projèctes deth Conselh pera desestacionalizacion deth torisme. Eth conselhèr Serrano a manifestat que “ei indispensable era predisposicion deth sector entà aplicar amassa un nau modèl toristic que emfatize es productes de montanha, pr’amor qu’Aran ne pòt aufrir diuèrsi e de nauta qualitat pes condicions excepcionaus de natura, servicis e infraestructures”.

Per miei d’aguesta coordinacion, se trabalharà entà elaborar un plan estrategic deth senderisme, que contemple dejà eth plan globau d’impuls e reactivacion toristics que s’elabòre per miei deth convèni de collaboracion damb Turespaña. Aguest acòrd signifique una inversion de 750.000 èuros entad aguest an 2009. Era maxima institucion a previst de crear un punt de trobada deth senderista e interiverà enes camins e rutes que se definisquen en si dera comission. D’aguesta forma, se vò balhar supòrt as inciatives que permeten crear naui productes de montanha e consolidar-ne es dejà existenti.

Cau rebrembar, en aguest sens, que Torisme Val d’Aran ven de presentar, eth passat mes de gèr en marc dera hèira Fitur, es naui productes sus senderisme e BTT, Pedals d’Occitània e Camin Reiau, que promocione ena sua apòsta pera desestacionalizacion deth sector e era dubertura de mercats damb naues propòstes entàs aficionats des activitats de montanha, que compden dejà damb er èxit de productes coma es itineraris de Carros de Foc, Pedals de Foc, Setau Sagèth o Quate Tucs – Quate Lengües.

Eth Conselh Generau acòrde damb eth sector un plan estrategic de senderisme. Eth Conselh Generau acòrde damb eth sector un plan estrategic de senderisme.