Er acòrd permeterà limitar de forma considerabla eth barrament deth Pòrt dera Bonaigua, intransitable en iuèrn pendent fòrça temps, damb un sistèma nau de survelhança des lauegi.

Era collaboracion, materializada entre eth Centre de Prediccion de Lauegi deth Conselh Generau d’Aran, era Direccion Generau de Carretères dera Generalitat e er Institut Geologic de Catalonha, facilitarà era dubertura lèu immediata des vies afectades dempús des nheuades. D’aguesta forma, se poderà méter en marcha un sistèma de desencadenament preventiu de lauegi per miei d’un elicoptèr, a compdar des observacions nivometeorologiques que mesuraràn eth risque de lauegi e includiràn era cartografia detalhada des events pr’amor d’arténher un melhor coneishement deth fenomèn de cara a futures accions.

Er objectiu der acòrd ei mantier es carretères dubèrtes eth maximom de temps possible pendent er iuèrn, atau coma garantir-ne era seguretat des sòns usatgèrs, segontes s’auie mercat eth Conselh Generau d’Aran ena sua demana entà esvitar eth barrament prolongat deth Pòrt dera Bonaigua, era unica via d’accès per Catalonha amassa damb eth tunèl de Vielha.

Pòrt dera Bonaigua. Pòrt dera Bonaigua.