Aguesta, contextualizada en un Aran nheuat, apareish amassa damb sies cercles a on i a representadi diuèrsi encastres deth sector, coma ua forma de reflectir era diversitat comerciau dera Val.

Eth responsable dera empresa 134 comunicación, José Antonio Almunia , a afirmat qu’era campanha “desvolope ua linha de promocion nauedosa e avienta e ua linha grafica visuau, comunicativa e senzilha, damb un messatge dirècte e clar”. Era campanha comerciau s’adrece a un public intèrn, de cara ara Val, e un aute extèrn, de cara as visitaires, en tot tier en compde es tres zònes comerciaus araneses (Les – Bossòst, Vielha e Naut Aran).

“Er objectiu primordiau ei qu’eth sector hèsque sua era campanha e mostrar atau era poténcia e era estructura comerciau dera Val d’Aran”, segontes Almunia. Acompanhat deth conselhèr Juan Antonio Serrano , eth sindic Francés Boya a ahiscat ath sector a “impulsar productes que singularizen eth nòste comèrç e hèsquen d’Aran ua referéncia ena qualitat comerciau e de servicis”.

Era campanha, que s’iniciarà eth dia 1 de deseme en diuèrsi supòrts publicitaris, sage de prebotjar beneficis dirèctes enes comerçants, potenciar era afluéncia d’empreses e promòir eth coneishement d’Aran atau coma era sua mèrca toristica. “Volem sustot qu’eth consumidor s’i veigue reflectit”, segontes Almunia. En acte i an prenut part representants des associacions deth comèrç de Vielha e Bossòst.

Presentacion dera naua campanha de promocion comerciau. Presentacion dera naua campanha de promocion comerciau.