Francés Boya, qu’a adreçat es sues paraules en aranés, catalan, castelhan e francés, a avalorat eth prètzhèt que desvoloven en Aran es fòrces de seguretat entà susvelhar pes drets e es libertats des ciutadans, pr’amor que “sense seguretat era democràcia non ei pas possibla”.
Eth sindic a destacat era “collaboracion fructifèra” entre es Mossos e era rèsta de còssi damb eth Conselh Generau e es ajuntaments d’Aran, “coma s’a podut comprovar damb eth darrèr simulacre d’accident damb multiples victimes”, organizat peth Govèrn aranés en plan de Beret.
Enguan ei eth dusau en qué eth Conselh Generau d’Aran organize aguest acte des Mossos e es fòrces de seguretat en reconeishement ath prètzhèt qu’amien a tèrme ena Val d’Aran.
Acte institucionau. Acte institucionau.
