En aguest sens, a assegurat qu’er aeropòrt d’Alguaire ei ua infraestructura que “cau profitar” en benefici de territòris coma Aran e Andòrra. Entath Sindic, aguesti dus son “es moturs dera economia pirenènca” per miei des quaus s’aurie de crear un “autentic lobby pirenènc” a favor des interèssi e es rèptes de futur compartits.

Acompanhat deth candidat a cap de Govèrn d’Andòrra, Jaume Bartumeu, Francés Boya a visitat era Casa de la Vall , sedença deth Conselh Generau des Vals Andorranes, atau coma es comuns d’Encamp e d’Andòrra la Vella , a on a estat recebut pera cònsul Rosa Ferrer, que l’a mostrat es installacions deth Palai de Congrèssi deth caplòc. Atau madeish, s’a entrevistat damb eth cap de Govèrn en foncions, Albert Pintat. Eth Sindic a explicat qu’era visita a servit entà “apréner dera experiéncia en desvolopament des institucions de govèrn deth Principat, fòrça pariones as araneses, e méter en comun es formes de gestion ena prestacion des servicis publics as ciutadans”.

Francés Boya e Jaume Bartumeu Francés Boya e Jaume Bartumeu.