Entà possar era sua aplicacion, eth sindic Francés Boya a previst d’amassar-se deman damb eth conselhèr d’Educacion dera Generalitat, Ernest Maragall.

Maria Vergés s’a mostrat esperançada d’amiar entà dauant eth projècte a compdar deth pròplèu cors. Era implantacion des TIC se concretarie ena digitalizacion des libres de tèxte, er usatge de pissarres digitaus e d’auti esturments d’aprenedisatge on-line. D’aguesta forma, Aran se plaçarie ath capdauant des escòles de Catalonha ena implantacion des naues tecnologies e es modèrnes tecniques de formacion e aprenedisatge.

Ath delà, era cap de Cultura a hèt repàs d’ues autes accions e a explicat es naui projèctes deth Departament. Aguesti son es mès destacadi:

Educacion. Accions 2008:

- Increment deth 15 % deth finançament entàs activitats extraescolares.

- Convèni annau de collaboracion damb es minjadors escolars entà balhar supòrt as familhes.

- Inversion de 90.000 èuros entà arténher era gratuïtat des libres de tèxte.

- Metuda en marcha d’Aula Dubèrta, un programa de collaboracion damb er IES d’Aran entà acuélher alumnes damb dificultats d’aprenedisatge.

Previsions 2009:

- Sajar de signar un convèni marc damb eth Departament d’Educacion.

- Aplicacion deth projècte pilòt d’educacion.

- Seguir damb era collaboracion fluïda damb es centres educatius.

Politica Lingüistica. Accions 2008:

- Demana deth Conselh ath Ministèri d’Interior entà qu’eth DNI incorpòre er aranés/occitan coma lengua cooficiau.

- Demana deth Conselh entà qu’eth Departament de Politica Territoriau e Òbres Publiques (PTOP) corregisque es toponims des panèus enes carretères des quaus ei titolar.

- Desvolopament deth programa Volentariat per Aranés.

- Adaptacion ar aranés dera revista infantila Papagai.

- Celebracion deth 25au aniversari des Normes Ortografiques.

- Edicion dera colleccion de conde infantil Pepita Caubet.

- Organizacion deth Prumèr Festivau de Teatre ena Escòla e eth Prumèr Concors de Diboish ena Escòla.

- Elaboracion e difosion d’un jòc infantil de lectoescriptura entàs mainatges de P3, P4 e P5.

- Promocion dera creacion d’un ens regulador entar occitan, coneishut coma Acadèmia der Occitan.

Previsions 2009:

- Metuda en foncionament d’un cors d’aranés on-line.

- Elaboracion d’ua guida de lenguatge administraiu.

- Encetar ua naua linha literària adreçada as joeni.

- Editar era revista juvenila Plumalhon.

- Edicion d’un libre de man entà Sant Jordi.

- Iniciar un concors de creacion audiovisuau en aranés damb eth Departament d’Innovacion e Empresa deth Conselh.

Patrimòni. Accions 2008:

- Iniciacion des tràmits entara declaracion de BCINs des glèises de Bossòst, Unha e Salardú e er entorn dera glèisa de Santa Maria d’Arties, damb un còst totau de 9.000 èuros.

- Campanha de neteja e acondicionament des campanaus de Vilac, Escunhau, Casau, Gausac e Betren, damb ua inversion de 6.000 èuros.

- Projècte de musealizacion e seguretat deth Crist de Mijaran, damb un pressupòst de 30.000 èuros.

- Reproduccion virtuau des pintures de Santa Maria de Cap d’Aran, en convèni damb EMD Tredòs, Bisbat d’Urgell e PTOP, damb ua inversion de 62.000 èuros.

- Seguiment des cataments e prospeccions des necropòlis de Garòs e Beret, damb era EMD d’Arties e Garòs e er Ajuntament de Naut Aran, respectivament.

- Redaccion deth Plan Culturau d’Aran, eth plan d’actuacion en patrimòni mòble e immòble presentat ara Generalitat e que contemple ua inversion de 14 milions d’èuros en dètz ans.

- Elaboracion deth protocòl d’intervencion deth Conselh Generau en patrimòni culturau.

- Reparacion deth campanau de Betlan, damb un impòrt de 12.000 èuros.

- Restauracion deth retaule deth Rosèr de Mont, damb ua inversion de 28.000 èuros.

- Reactivacion dera Comission d’Auviatge.

- Projècte de musealizacion e seguretat deth Crist de Salardú, damb un pressupòst de 9.000 èuros.

- Òbres d’adequacion e melhora de Sant Miquèu de Vielha, damb un impòrt de 75.000 èuros.

- Òbres de reparacion des umitats deth Rosèr d’Aubèrt, damb ua inversion de 18.000 èuros, en collaboracion damb era EMD d’Aubèrt.

- Recuperacion dera absida e es pintures muraus de Santa Maria d’Arties en convèni damb La Caixa , qu’a suposat ua inversion de 290.000 èuros.

Previsions 2009:

- Catalogacion der inventari de bens culturaus.

- Seguir damb es expedients de BCINs entà un totau de 9 glèises.

- Declaracion conjunta de BCILs des lauaders des pòbles d’Aran.

- Publiacion d’un volum sus eth Romanic Aranés e un aute sus un estudi des campanaus e campanes.

- Restauracion dera Mòla de Betren, damb ua prumèra fasa d’adequacion e melhora dera estructura, e ua dusau de musealizacion.

- Apariar Sant Miquèu de Vilamòs, amassa damb er Ajuntament.

Musèus. Accions 2008:

- Organización de 6 exposicions.

- Produccion pròpria d’Aran, clavis regni.

- Restauracion deth Crist de Casarilh, damb ua inversion de 15.500 èuros.

Previsions 2009:

- Adequacion e reforma deth Musèu de Vielha e era tor deth generau Martilhon entà adaptar era bastissa ara normativa vigenta e desvolopar ua museologia actualizada.

- Restauracion des bòrdes der Ecomusèu Çò de Joanchiquet.

Difusion e promocion culturau. Accions 2008:

- Programacion d’Aran damb Art, que supòse ua inversion de 75.000 èuros.

- Impuls d’un projècte comun damb es còlhes de dançaires entara promocion exterior d’Aran.

- Impuls d’ua agenda culturau unica en coordinacion damb es Ajuntaments.

Previsions 2009:

- Consolidar era programacion d’Aran damb Art.

- Establir bases especifiques de subvencions a entitats culturaus.

- Potenciacion deth sistèma de lectura publica en hilat e incentivar bibliobusi.

Era cap de Cultura e Politica Lingüistica, Maria Vergés. Era cap de Cultura e Politica Lingüistica, Maria Vergés.