Aguesti seràn protagonistes d’un espaci dedicat ara Catalonha blanca qu’a previst d’eméter era television russa estatau. Atau madeish, tecnics deth Departament de Torisme an acompanhat a un grop format per tres touroperadors de naut standing deth país euroasiatic, que s’an interessat pes installacions toristiques araneses, laguens des sues visites entàs destinacions de torisme de nhèu der Estat espanhòu.
D’aguesta forma, “Aran a era oportunitat de dar-se a conéisher damb mès pregonitat en un mercat qu’entà nosati non ei desconeishut, mès eneth quau auem de besonh d’èster mès presents, en base ara estratègia per internacionalizar era nòsta destinacion toristica”, a manifestat eth vicesindic 3au e conselhèr de Torisme, Comèrç e Transpòrt, Juan Antonio Serrano.
