Era taxa entara prestacion deth servici de minjador escolar s’incrementarà un 3 %, mentre qu’era rèsta puge un 4,3 %, d’acòrd damb er augment der Indèx de Prètzi ath Consum (IPC).

Es persones jubilades majores de 65 ans e es persones damb discapacitat damb un grad de disminucion superior ath 33 % que demoren ena Val d’Aran an era gratuïtat deth servici de transpòrt public intèrn. Pr’amor d’auer aguest benefici, es persones interessades an de sollicitar en Conselh Generau d’Aran era expedicion d’un carnet d’ustatgèr/a. Damb era sollicitud s’a de presentar ua fotocòpia deth DNI e ua certificacion originau d’empadronament en quinsevolh des municipis d’Aran coma documents acreditatius de complir es requisits exigidi.

Eth vicesindic 1èr e conselhèr d’Administracion Publica e Finances, Rufino Martínez, a explicat qu’era modificacion des ordenances fiscaus “respon ara volentat deth Govèrn deth Conselh Generau de desvolopar politiques de contencion e austeritat dauant era crisi economica que mos afècte”.

Un museu de la Val d'Aran. Una casa museu de la Val d'Aran.