D’aguesta forma, ei previst qu’es òbres finalizen en mes d’octobre, atau coma a anonciat era vicesindica 2au e conselhèra de Sanitat e Servicis Sociaus, Noelia Costa . En totau, eth Conselh Generau aurà invertit mès de 2 milions d’èuros ena reforma integrau.

Eth nau equipament aurà ua capacitat entà mès de 40 places damb dues crambes dobles. Aguest aument “duplicarà es servicis sociaus qu’aufèrte actuaument era residéncia, en tot sajar de dar ua responsa mès avienta as besonhs d’assisténcia generadi peth susenvielhiment dera populacion aranesa, pr’amor qu’auem fòrça mès gent grana de 75 ans respècte dera mieja catalana”, segontes Costa. Eth centre compdarà, per prumèr viatge, damb ua planta sociosanitària qu’incorporarà naui servicis d’infermeria e dues autes plantes d’assisténcia damb ua naua plantilha d’auxiliars geriatrics.

D’un aute costat, es Servicis Sociaus calculen qu’entre 10 e 15 persones demoren accedir ara residéncia. Per aguest motiu, ua comission tecnica avalòre, en aguesti moments, era admission en foncion deth numero de places disponibles e eth grad de dependéncia des demandants, segontes establís era legislacion vigenta.

Naua residéncia geriatrica de Sant Antòni. Naua residéncia geriatrica de Sant Antòni.