Societat

Era restauracion deth Crist de Casarilh permet identificar-lo coma un Crist deth sègle XIV

ARA A PORTADA

Les empreses lleidatanes reclamen visibilitat per retenir el talent jove durant la Trobada del Pirineu Oriol Almacellas Verdés
Illa defensa el projecte europeu i demana respecte judicial per l’amnistia Oriol Almacellas Verdés
El tripartit resisteix a Tàrrega en un mandat marcat per l’educació i la crisi de l’habitatge Oriol Almacellas Verdés
Cervera en transformació: un nou rumb amb Jan Pomés Àlvar Llobet i Sotelo
Mollerussa afronta tensions i mancances en el primer govern en minoria de Solsona Oriol Almacellas Verdés

Redacció

Publicat el 19 d’agost de 2008 a les 11:24

Catalogat enquia ara coma Crist triomfant, era restauracion dera talha confirme que mos trapam dauant d'un Crist coronat dejà mòrt deth sègle XIV, desligat dera epòca e influéncia deth talhèr d'Erill e mès propèr a òbres mès auançades, coma eth Crist de Cubells, ena Noguèra.

Era pèça, presentada aguesta dimenjada en Musèu Etnologic dera Val d'Aran, a estat repintada dus viatges ath long dera sua istòria. Era pintura originau, datada en sègle XIII, se consèrve en bèra ua des parts. Totun, es resultats der estudi prèvi an desestimat era sua conservacion. Eth prumèr repint, que possedís abondius hius de sang, date deth sègle XIV e s'amie a tèrme entà transformar-lo en un Cristus paties (Crist en patiment), mès es trabalhs d'investigacion an constatat que ja des d'un començament auie es uelhs barradi, hèt que confirme eth sòn estat de Crist coronat mòrt.

A prepausa deth Conselh Generau, eth Centre de Restauracion dera Generalitat s'a encuedat des trabalhs entà restaurar era cocha pictorica deth sègle XIV e consolidar es braci en tot eliminar es claus que les sostenguien de forma pòc avienta. En aguest sens, s'a determinat qu'entara sua exposicion museografica, eth Crist sigue presentat sense era creu deth sègle XVIII pr'amor dera corrècta visualizacion dera òbra e entà esvitar qu'es braci deth Crist patisquen esfòrci peth sòn estat delicat. Eth pressupòst totau dera restauracion e dera naua museografia a artenhut es 15.500 èuros. D'aguest totau era Generalitat n'a subvencionat 8.500, en tot qu'eth Conselh Generau s'a hèt cargue des 7.000 èuros restants.

Ena presentacion dera pèça restaurada, eth sindic d'Aran, Francés Boya, a destacat "er important valor qu'era talha supòse entath conjunt deth patrimòni artistic e culturau dera Val d'Aran, ua des mòstres mès clares dera nòsta identitat e cultura singular". Pr'amor d'açò, segontes a rebrembat, eth Conselh Generau amie a tèrme ua politica potenta ena conservacion e promocion deth patrimòni e ena restauracion de talhes emblematiques coma eth Crist de Casarilh o ena conservacion e seguretat deth Crist de Mijaran, atau coma tanben ei previst de hèr damb era Creu de Salardú.

Imatge de la presentació del crist. Un moment de la presentació del crist.