D’aguesta forma, se complete era implantacion dera TDT en tota era Val d’Aran, que deven eth prumèr territòri de Catalonha a on s’a desplegat intègrament. Cau rebrembar, totun, qu’era encenuda definitiva dera TDT non implique era amortada deth sistèma analogic, damb eth que conviuerà enquia finaus de 2010.

Francés Boya a arregraït er esfòrç des equips tecnis atau coma dera apòsta dera Secretaria de Telecomunicacions que, en convèni damb eth Conselh Generau, a hèt d’Aran un “territòri pionèr ena implantacion dera TDT”. Eth Sindic s’a referit ath besonh d’engegar plans coma eth de Catalonha Connècte, perque “ajuden a modernizar es servicis publics entàs ciutadans ena sua prestacion e eficiéncia, e garantissen ath temps er equilibri e era coesion territoriau”.

En totau son 6 es centres emissors de TDT: 1 en Naut Aran e 1 de Vielha, que se meteren en marcha ena tardor, e 1 mès en Naut Aran, 1 en Vielha, 1 en Bossòst e 1 en Bausen, que s’an activat pendent era primauèra, a despièch qu’era dura climatologia deth passat iuèrn a retardat era encenuda digital de forma definitiva en tot eth país.

Totun, era arribada dera TDT en Aran s’auance un an respècte de d’auti territòris, en compliment der acòrd entre era Generalitat e eth Conselh Generau d’Aran entath desplegament en país des infraestructures e es servicis de telecomunicacions, qu’afècten ara telefonia mobila e ara banda ampla, ath delà dera TDT. En totau, s’aurà invertit mès d’1,5 milions d’èuros.

Francés Boya, e Jordi Bosch. Encenuda. Francés Boya, e Jordi Bosch. Encenuda.