Huguet e Fernández an signat eth convèni de collaboracion entre eth SAS e er IES que permetarà era formacion en Aran de naui tecnics en desfibrilacion, a compdar der an 2010. Enquia ara, era formacion se balhaue en Barcelona. En totau, son mès de 150 persones es que s’an format en DEA, procedentes era sua màger part deth còs de Pompièrs e der organisme TESVA (Transpòrt Sanitari dera Val d’Aran), entre d’auti collectius.

Es naui carnets, qu’incorpòren er aranés e eth lògo deth SAS, acrediten es competéncies en prumères atencions en cas d’emergéncia. Eth nau convèni met en marcha un programa marc entà garantir era formacion e era acreditacion enes atencions basiques en cas d’emergéncia. D’aguesta forma, s’impartiràn en Aran corsi entà formar a formadors, atau coma corsi basics de reanimacion e assisténcia, ath delà des corsi de besonh entath reciclatge constant des professionaus non medicaus.

Eth director der IES a destacat qu’eth convèni assegure era autonomia dera Val d’Aran ena formacion deth sòn personau, era recerca e era investigacion, era mielhora dera qualitat e era avaloracion des competéncies acreditates. Dera sua part, eth Sindic a hèt referéncia ara “formacion polivalenta” des professionaus que se dediquen as emergéncies e a metut de relèu era “excelléncia” des activitats programades en Aran en aguest airau. Tanben a assegurat qu’eth Conselh “trabalhe en crear un nau marc de formacion unica en emergéncies entà mielhorar eth servici”.

S’expedissen es prumèri carnets entàs tecnics en desfibrilacion. S’expedissen es prumèri carnets entàs tecnics en desfibrilacion.