Segontes eth Sindic, "entà prebotjar es Tecnologies dera Informacion e era Comunicacion enes empreses, cau disposar abantes de bones infraestructures que garantisquen justament era competitivitat e era productivitat des empreses".

Francés Boya a rebrembat qu'eth govèrn deth Conselh Generau a encomanat ua auditoria entà examinar er estat des telecomunicacions, atau coma qu'er executiu aranés "trabalhe entà convertir Aran en ua sotssedença deth Parc Scientific e Tecnologic Agroalimentari de Lleida", pr'amor qu'ei de besonh "crear valor hijut ena nòsta economia de servicis en tot impulsar clustèrs de coneishement". Totun, se tracte de qu'Aran sigue "ara nautada des circomstàncies ena implantacion des TIC, atau coma en sòn usatge eficient". "Ei tanben ua garantia entà melhorar era prestacion des servicis dera administracion", a concludit.

Imatge de l'acte d'avui. Imatge de l'acte d'avui a Vielha.