Aguest consistirie en informar melhor ath pagés entà ajudar-lo a subvencionar diuèrses actuacions (infraestructures, comunicacions, programes de peishèu, prevencion d’atacs), atau coma hèr a conéisher era activitat ramadèra e es productes que genère.

Se tracte de qu’era Generalitat amplie era dotacion economica que se destine ara prevencion des atacs d’espècies menaçades dera fauna sauvatja, ara sua indemnizacion, ath seguiment scientific des espècies, a dar ua informacion puntuau ath sector dera situacion e evolucion d’aguestes espècies e a facilitar era activitat ramadèra enes zònes a on viuen aguesti animaus e en encastre der hilat Natura 2000 e es espacis naturaus protegidi. Es signants considèren qu’es remuneracions “non compensen suficientament er esfòrç qu’eth pagés a de hèr entà recuperar es rèstes der animau mòrt” dauant d’atacs coma eth der os e argumenten qu’era administracion a de facilitar era “compatibilitat” enter era pagesia e era “era biodiversitat e eth paisatge”, pr’amor qu’aguesti darrèrs “son tanben producte dera activitat ramadèra”.

El president José Montilla i el Síndic d'Aran, paco Boya. El president de la Generalitat, José Montilla, amb el Síndic d'Aran, Paco Boya.