Eth secretari generau d’Unitat d’Aran, Francés Boya, felicite de forma plan afectuosa a Mn. Jusèp Amiell, en préner possession coma canònge deth Capítol Catedralici de Santa Maria d’Urgell. Francés Boya, que ja le felicitèc damb motiu der anonci deth sòn nomenament, destaque qu’Amiell “ei segurament un des pògui aranesi qu’aurà recebut aguest reconeishement ath long dera istòria, hèt que met relèu tant era sua dedidacion apostolica e ministeriau, coma era sua dimension sociau coma òme comprometut damb era lengua, era cultura e eth país d’Aran”.
 
Eth conselhèr generau afirme que “Jusèp Amiell ei un aranés illustre qu’aunore ath pòble dera Val d’Aran”. En 2010, Amiell recebec era Midalha d’Aur d’Aran deth Conselh Generau, pr’amor qu’era sua òbra e era sua trajectòria vitau an deishat ua peada notabla ena societat aranesa. Un des sòns darrèri trabalhs ei era arrevirada ar aranés deth Nau Testament.