Aguesti trabalhs començarien a executar-se en baish Aran e s’anarien desvolopant de forma progressiva enquiara part mès nauta.

En aguesti moments, ua auditoria, realizada per expèrts austriacs, analise es potencialitats dera practica deth senderisme en Aran, en tot hèr ua recopilacion des itineraris e des accions a desvolopar en marc d’aguest plan damb era finalitat d’aplicar era certificacion internacionau des sendèrs. Eth projècte, que s’amie a tèrme amassa damb Turespaña, prevé senhalizar ua ruta en cada pòble, que començarà, passarà o finalizarà en madeish pòble, en tot méter en valor es sòns elements patrimoniaus e culturaus.

D’un aute costat, eth Govèrn d’Aran prebotge un nau ens gestor deth torisme entà impulsar era competitivitat deth sector, era internacionalizacion e era desestacionalizacion dera destinacion. Eth nau ens se configurarà coma un esturment de collaboracion publica–privada que centrarà era sua activitat en marketing e ena comercializacion. Atau madeish, eth conselhèr Serrano a anonciat que Torisme Val d’Aran, que artenh lèu es 600.000 èuros de pressupòst tà 2010, mantierà es quòtes des sòcis, dempús de dus ans d’actualizacion dera quòta en foncion der IPC.

Eth Govèrn prebotge un nau ens gestor deth torisme. Eth Govèrn prebotge un nau ens gestor deth torisme.