Eth Baile President der Ajuntament de Bossòst, Francisco Rodríguez Miranda, a recebut aguest maitin ath nau president deth Grèmi d’Ostalaria dera Val d’Aran, Juan Antonio Serrano, qu’a encetat ua ronda de trobades damb es institucions araneses. Ara amassada, i a assistit tanben eth Tinent d’Alcalde, Amador Marqués.
Tant er Alcalde coma eth nau president deth Grèmi s’an emplaçat a collaborar estretament entà dar supòrt ath sector otelèr e dera restauracion e amiar entà dauant projèctes conjunts qu’impliquen era promocion, comercializacion e internacionalizacion tant d’Aran coma dera especificitat deth torisme deth Baish Aran. “Volem profitar era experiéncia e eth coneishement toristics deth Grèmi d’Ostalaria entà encetar vies de dinamizacion economica; per aguest motiu, mos semble indispensable apregondir era collaboracion des administracions damb eth món empresariau dera Val d’Aran”, segontes a explicat Amador Marqués.
