D’aguesta forma, se poirien engegar es mesures de proteccion pertinentes e preservar un des elements mès significatius deth paisatge urban des pòbles d’Aran. Es servicis tecnics de Patrimòni deth Conselh calculen que i pòden auer mès de 32 lauaders, un per pòble aumens, en tot auer present que quauqu’un a desapareishut dejà.

Aguesti equipaments, era màger part de finaus deth sègle XIX e principis deth XX, se sòlen trobar en mau estat o son des.hèti en part o totaument. Damb aguesta mesura, eth Govèrn d’Aran sage de méter-les en valor entà qu’es municipis ne poguen hèr tanben un profitament toristic, ath temps que se convèrve un des elements mès destacats deth patrimòni civil e sociau aranés. En aguest sens, era maxima institucion a previst de reabilitar, enes pròplèu setmanes, eth lauader d’Arròs en tot rehèr-lo e conservar-ne era sua forma originau.

Per un aute costat, segontes a aprovat era comission, se restauraràn es pintures renaishentistes (sègle XVI) sus taula dera glèisa de Santa Maria d’Arties, plaçades actuaument en ua paret laterau, e se reubicaràn ath dessús deth còr, en darrèr tram dera vòuta centrau, pr’amor que sigueren elaborades entà èster plaçades en forma d’arc, ena sua origina en madeish presbitèri, aué ocupat per d’autes pintures d’epòca anteriora.

Era comission a dat compde des trabalhs d’intervencion ena glèisa de Begós entà resòlver es umitats, qu’an permetut de recuperar parts dera antiga bastissa romanica, en ua actuacion qu’a suposat 12.000 èuros d’inversion. Atau madeish, er organ assessor a acordat dotar-se d’un regim de foncionament e composicion mès tecnic en tot incorporar un tecnic extèrn d’urbanisme, un expèrt der Institut d’Estudis Aranesi e un tecnic a prepausa des Ajuntaments dera Val d’Aran.

Es lauader. Es lauader.