Totun, eth club a obtengut uns boni resultats, damb era prumèra posicion de Carmen Nart eth Junior 3ª, a qui acompanhèc en podium Marta Badia qu'artenhie eth bronze. En categoria Alevin, dusaua posicion de Nòa Villacampa, que per tresau an consecutiu artenh eth subcampionat de Catalonha, acompanhada tanben en tresaua possicion per Cleo España. Tòn Consul en Infantil, Ares Capdevila en Debutants e Tatiana Muñoz en Juvenil, barren es podiums damb ua meritòria tresaua possicion.

Era pròplèu cita des patinadors serà en mes d'Abriu que celebrarà en Jaca eth Campionat d'Espanha Infantil, era competicion çò mès importanta dera sason, e que se comence a premanir sense conéisher encara era prevision des dates de dubertura dera pista de Vielha.

Era situacion dera equipa de balet sus gèu, Aran Crystals Team, actuau subcampió de mon era categoria Novice, non ei bric diferenta. Se premanís tanben er inici dera sason sense pista, damb trabalh en gimnàs , e damb desplaçaments tàs pistes de Toulouse pendent eth mes de Març. Era equipa participarà enguan en Paris, Toulouse e Barcelona.

Eth barrament dera pista e era manca de previsions en la date de dubertura, an obligat tanben a anular eth Trofèu Internacionau Val d'Aran que s'auie de celebrar en mes de mai en Vielha.

C. Puigcerdà Aut A Estatals. C. Puigcerdà Aut A Estatals.